187. Uyathanda ukungena na?

1. Wena uyathand' ukungen' ezulwin'? Konje, wongena kanjani? Uma usathanda impilo yala', Uyosindiswa ubani? Ingumcingo yon' indlela eya le, Nal' isango lona lincinyane nje. Mngane, ubodela im'hambo yala', Um' uzongen ezulwini.

2. 'Mpela kulukhun' ukugen' ezulwin', Ngob' uSathan' usithiya; Kungengene 'bani othando izon' Engavum' ukuzishiya. Yahlukana nazo namhl' ukuthi nya. Nqum' intambo zon' ezikubopha la. Ngikunxus' impela, lalela-ke, mngan', Vuk' uzishiye izono!

3. Ngeke uvulelwe ungen' ezulwin', Usazifihla izono; Ngek' ufinyelele uphik' uthi-ke: "Eyami indlela ingcono." Leyondlela yakho yoshonaphi, Pho? lyoshona kabi KwaSathane, wo! Ngakho ngikunxusa ngegama le-Nkos', Vuka-ke, Mngan, uphenduke.

4. Bonke bamenyiw' ukungen' ezulwin', Konje-ke wen' uyenqena? Uma sekuvalwa umnyango ngale, Wobungenile-ke wena? Namhla uyabizwa usekhona la, Usuthini kodwa, wosabela na? Nxa usamalela wokhal' uthini wo! Anginandaw' ezulwini!