201. Sesilapha emanzini

1. Sesilapha emanzini Ukubhapathiza khona Abakholwa eNkosini, Nabalahla konk' ukona. Yiba nathi, Baba wethu, Qoq' izinhliziyo zethu, Vusa ukuqonda kwethu Ngezwi elilonalona.

2. Wena Jes' uqobo Iwakho, Weza khona emfuleni Ukunik' umzimba wakho, Ngokungathi ekufeni; Wawusikhombis' indlela, Lapho wena wazidela; Manje singakulandela, Nkosi, ezinyathelweni.

3. Baba, malivulw' izulu, Asehlel' uMoy' oNgcwele. Lon' uphawu olukhulu, Lusho 'kuthi, usam'kele. Makumbelw ' umunt' omdala, Konk' okwethu kokuqala; Zonk' izono namacala, Nkosi, usithethelele.

4. Usink' amandla, Baba, Ukugcin' im'yalo yakho, Sihlangane nabo laba AbaseBandleni lakho. Masihlale sithandane, Kuhle okwabazalwane Ngokugcina sihlangane Khon' ebukhosini bakho.