214. Siyadlula

1. Ukuphila kwethu lapha, Njengenkungu kuyaphapha, Kuyadlula, kusobala Kub' abasha nabadala.

2. Masinyane siyakhula, Ngokunjalo siyadlula; Njengekhowe liyamila, Kufushane ukuphila.

3. Siyafana naw' amanzi, Won' ashona ngasenzansi; Akank' ukukhuphuka, Njalo nathi siyenyuka.

4. Nezinyanga zihluleka, 'Kuzelapha kunqabeka, Nab' odokotela futhi Bafa bawushiy' umuthi.

5. Pho-ke, singasizwa yini, Singashoni ebubini, Mhla simuka emhlabeni, Samukelw' ekuphileni?

6. Isu linye elimiyo, Zinikele ngenhliziyo KuMsindis' owakufela, Yena uyokwamukela.