45. uJesu usenjalo
This hymn celebrates Jesus' enduring power and compassion, highlighting his miracles of healing, feeding, and resurrection as evidence of his divine nature and eternal presence, offering comfort and salvation to all who believe. It emphasizes that the Jesus who performed these acts of love and power in the past is still present and active in the lives of believers today.
1. Nguy' uJesu usenjalo Njengomhla ehleziphansi, Ekhuluma nalomfazi Owafik' ukukh' amanzi; Embonis' izono zakhe Ngamazwana angemade; Unguyena njalonjalo, 'Zolo, namhla naphakade.
2. Nguy' uJesu owamelapha Lowomunt' odliw' uchoko; Wathi: "Nxa uthanda, Nkosi, Ungasus' ukufa lokho." Khon' uJesu wamphendul: "Ngiyathanda, hlambuluka!" Mbhala, wasehlanjuluwa, Lonk' uchoko selwasuka.
3. Nguy' uJesu esuthisa Isixuku le ehlane, Bona ababemlandela, Babe izinkulungwane. Ngaz' izinkwa ezihlanu Nenhlanzana ezimbili Wenz' inala khon' ehlane, La' ukudla kungamili.
4. Nguy' uJes' elila nabo eBethani', ethuneni, Wayemvusa uLazaru, Wamphumisa ekufeni. Nay' umame waseNain', Obefelwe umntanakhe, Ngezwi linye wayemvusa, Esul' inyembezi zakhe.
5. Nguy' uJes' osinikayo Konk' okuhle esinakho, Ukhuluma okumnandi, Sibe-siduduzwa ngakho. Welusizi emhlabeni, Uyabaz' abalusizi, Ubezwela nxa bekhala, Ungowabo uMsindisi.
6. Nguy' uJes owabethelwa, Wasifela thina zoni, Manje usesezulwini, NakuYise kananhloni. 'Kusibiza "bazalwane", Ethi: "bafo nabodade". Haleluya, usenjalo, 'Zolo, namhla naphakade.